Vennskap Jeriko-Lærdal

Vennskap Jeriko-Lærdal header image 1

Lærarvitjing frå Jeriko!

09/02/2015 · Ingen kommentarar · arrangement og informasjon

Samar, Lana og Amal

Lærarne Samar, Lana og Amal på Sanden Pensjonat. Foto: Ingebjørg Voll
Dei hadde ei strabasiøs reise til Lærdal!

Flyet gjekk frå Amman grytidleg laurdag klokka 3.
Det tok ei stund å kome seg gjennom passkontrollen på føremiddagen.
Sjåføren frå Gardermoen fekk ordna opp i problema, men av same årsak rakk ikkje Tyinkrysset før det kun var tungtrafikk som fekk køyre i kolonna over Filefjell.
Dei var framme rundt midnatt, – utslitne men med eksotisk erfaring frå snøstorm og hjelp til bilar som hadde køyrt seg fast i snøen! Jerikolærarane var heldige, sjåføren Jan Geir har køyrt i styggever før.

I går var dei på tur til Øvre Årdal. I dag er dei på Rådhuset, skulen og Doktorheimen. I kveld møter dei lærarane på “Strandsitjaren”.

I morgon er det Jerikodag på skulen. Det er laga program for alle elevane på skulen knytt til venskapsarbeid. Samar, Amal og Lana fortel frå sine ulike skular. Vi møtte Bjørn Gunnar Saltnes frå Kirkens Nødhjelp/EAPPI sitt ledsagerprogram i Jordandalen i oktober 2014, han vil også ta del i Jerikodagen.
Elevane får god lønsj på skulen!

Onsdag er det Vaffelhjarte på skulen, lærarane vitjar Ljøsne skule og om kvelden skal dei innom skøytekarusellen på skeisebana på Øyri.

Torsdag får Barnehagen og skulen på Borgund besøk. På ettermiddagen deltek dei på kommunestyremøtet.
Fredagsmorgonen reiser dei til Oslo. Dei møter Vennskap Nord-Sør og Palestina sin ambassade til Noreg før dei fer heim til Jeriko via Amman på laurdag.

Medan dei er her et dei nokre måltid i private heimar og er med i ulike planleggingsmøte.

Merkelappar:

Ingen svar så langt ↓

  • Ingen kommentarar enno, legg gjerne igjen ein.

Leave a Comment