Vennskap Jeriko-Lærdal

Vennskap Jeriko-Lærdal header image 1

Kort møte – Mari si side

04/11/2012 · arrangement og informasjon

Lenkje til Mari sitt andre reisebrev : Veitevandring i Jeriko

→ Ingen kommentararMerkelappar:

Reisebrev frå Jeriko

03/11/2012 · arrangement og informasjon

I skrivande stund runda klokka 10:40 i Jeriko og halve gruppa er på sykkeltur i byen. Gradestokken syner 26+, og eit bad i Daudehavet seinare i dag kan gjera godt for ein kvar.

Torsdag klokka 06:00 for 26 spente deltakarar frå Lærdal med kursen mot Gardermoen. Austrian Airlines tok oss trygt fram til flyplassen i Tel Aviv med ei mellomlanding i Wien, ein flytur som tok oss 10 timar inkludert ei lita pause i Austerrikets hovudstad. Truleg såg me fredelege ut alle saman, og passkontrollen kom me gjennom utan større problem. Me tok buss frå Tel Aviv, over grensa til Palestina og var i Jeriko rundt klokka 03:00 fredag lokal tid.
Tel Aviv vert rekna av FN som hovudstaden i Israel, det er der dei fleste land har ambassadane sine og det er det finansielle samfunnet i Israel.
Me fekk oss nokre få, men velfortente, timar svevn på hotellet før me om fredagsmorgonen vart ynskt velkommen av den nye ordføraren deira i hotellets lobby. Derifrå tok velkomstkomiteen i Jeriko oss med til Rådhuset, der me fekk helsa på avtroppande ordførar og mange andre kjende Jerikovener. Der vart me varta opp med bakst og frukt, medan me hadde ein svært lærerik og interessant dialog med innbyggjarane her om korleis det er å bu i eit okkupert land, og kva utfordringar dette skapar. Det er ingen tvil om at me som bur i Noreg må vere takknemlege for å bu i eit fritt land – det er nemleg inga sjølvfølgje.

Lasse og Anna fekk saman med kontaktpersonen vår i Jeriko kommune ferda programmet for turen. På lista står blant anna å bada i Daudehavet, tur til “Mountain og Temptation”, bybesøk i Hebron og Betlehem. Ungdomane skal også delta på møte i barnas kommunestyre og besøka ein skule saman med lærarane som er med på turen. Dette er noko me alle ser fram til, og som tek venskapsarbeidet på nye nivå. Aldri før har det vore så mange ungdomar med til Jeriko.

Mange hugsar kanskje Queen, som var ein del av delegasjonen frå Jeriko til Lærdal i 2011? Ho er 14 år gamal og går i niande klasse. Foreldra hennar inviterte heile delegasjonen på heimebesøk, der me vart servert juice, bakst, te og mykje frukt. For oss ungdomane kom det som ei lita overrasking kva standard dei hadde på husa sine her nede, og ikkje minst kor mykje gjestfridom dei synte. Huset hadde to stover vegg i vegg, og var møblert nesten utelukkande for å få plass til flest mogeleg gjester. Å ta imot 26 lærdøler på strak arm var ikkje noko problem. Me skulle gjerne sett den Lærdølen som tok imot 26 gjester utan å blunka…?

Delegasjonen er altså trygt framkomne til Jeriko. Anna og Lasse har (sjølvsagt) full oversikt over kven, kva, kor og når og tek godt hand om oss alle. Me gledar oss stort til kva dei neste dagane vil bringe.

Fortsettelse følger…

For Vennskap Jeriko-Lærdal

Maritha, Anna, Tor og Helge

 

→ Ingen kommentararMerkelappar:

Jeriko 2012 – meldingar på verdsveven

03/11/2012 · arrangement og informasjon

Mari – si side “Kort møte”:

http://kortmote.wordpress.com/2012/11/02/welcome-welcome/

→ Ingen kommentararMerkelappar:

Jeriko 2012

01/11/2012 · arrangement og informasjon

04.11.12

Frå Freistingsfjellet – der Jesus i følge Bibelen sat i 40 dagar og 40 netter. Matt.4:1-11
Det arabiske namnet er Qarantal
Foto Mari

03.11.12
Anna og Maritha ved Dødehavet
Foto Helge
SNL om Dødehavet

Hishams palass
foto Mari
Wikipedia om Hishams palass

 

01.11.12 kl 13.30

Gardermoen – ungdomane er reiseklare!

01.11.12 kl 06.00

Bussen til Gardermoen forlet Rådhuset 06.00 – reisebrev, lenkjer og bilete vert lagd ut etterkvart som det vert sendt heimatt! Resten av reisefylgjet kjem på bussen oppover dalen!

 

 

 

→ Ingen kommentararMerkelappar:

Høyr jerikospelemannen vår Erlend Apneseth i kveld

10/07/2012 · arrangement og informasjon

På tysdagane klokka 18.00 i juli er det fire Gjesme-konsertar i foajeen til Sogn kunstsenter.

I kveld er det Erlend Apneseth sin tur.

Erlend studerer på Ole Bull-akademiet og går i lære hjå storspelemannen Håkon Høgemo.
Han har vunne mellom anna Furoreprisen og Audhild Flaktveit Moxnes sin minnepris og er elitespelemann frå i år.

I desse dagar slepper han debutplata si, «Jølster 2012» saman med dei kjende og erfarne folkemusikarane Synnøve Bjørset, Gro Marie Svidal og Sigmund Eikås.
Stoffet han spelar på konserten vil bli noko herifrå og andre hardingfeleslåttar frå Sunnfjord og Sogn.
Konserten startar 18.00 og inngangsbiletten, som kostar 100 kr, inkluderer inngang til Gjesme-utstillinga i Sogn Kunstsenter. Kafeen er open og det vil bli ein pause på midten, der ein kan kjøpa seg kaffi og drøsa.

Dei andre konsertane er:
Tysdag 17. juli: Lars Rossvoll – klassisk gitar
Tysdag 24. juli: Camilla Hole – saksofon (m/ Jostein Avdem Fretland – liveelektronikk)

 

Sogn avis si dobbelside om musikarane og konserten 10.10.2010

→ Ingen kommentararMerkelappar:

29 personar reiser til Jeriko i november 2012.

05/07/2012 · arrangement og informasjon

Eit av dei gode minna frå 2010 turen vi stendig finn fram, er Arve Uglum sitt innslag til Vestlandsrevyen og Dagsrevyen.

Om Laerdal Park i Laerdal street i Jeriko.

Til 10.000 årsmarkeringa i 2010, reiste 45 lærdøler og andre indresogningar.

I år er det 29 påmelde innan fristen, aldersspreiinga er stor.
Vi er spesielt glade for at det er relativt mange unge studentar.

Naturlegvis skal ordførar Jan Geir Solheim vere med.
Han vert den 5. lærdalsordføraren som reiser på venskapstur til Jeriko.

Dette biletet er frå arrangementet i Kultursalen på den siste vitjinga i oktober 2011.

Her sit ordførarane Arne Sanden, Knut Aarethun, Hans A. Tønjum og Olav Wendelbo og dengong påtroppande ordførar Jan Geir Solheim saman med Anna Avdem.

 

Dette biletet er frå 1997 då ordførarane Hans A. Tønjum og Abed Al-Karim Sidr underskreiv førehandsavtalen i oktober 1997

Venskapsarbeidet mellom Jeriko og Lærdal har helde på i 15 år!

Av dei meir kuriøse bileta frå same turen var Hans A. og Anna som las “Helg & kvardag” i Dødehavet.
Biletet er teke av Eli Grotle frå Sogn avis.

 

→ Ingen kommentararMerkelappar:

Bli med på tematur til Palestina 1. til 7.november

14/06/2012 · arrangement og informasjon

 

Vennskap Jeriko – Lærdal arrangerer tematur til Palestina.
Avreise tidleg morgon 1. november og
heimkomst natt til 8. november.

Pris:
Pr. person i dobbeltrom kr 9 000,-
Pr.person i enkeltrom kr 11 000,-

Dette inngår i prisen :

  • Buss Lærdal – Gardermoen tur /retur
  • Fly Gardermoen – Tel Aviv        ”
  • Buss Tel Aviv – Jeriko                ”
  • Seks overnattingar med frukost på InterContinental Jericho, som er eit hotell med høg standard med flotte rom, god service og eit fantastisk badeanlegg med spatilbod.
  • Guida busstur i Jeriko og omegn
  • Velkomstmiddag første kvelden

Kulturarrangement i Lærdal park:
15 års jubileet for vennskapsavtalen mellom Jeriko og Lærdal vert feira med eit kulturarrangement i Lærdal Park saman med våre palestinske vener.

Påmeldingsturar:
Det vert arrangert fellesturar til Daudehavet, Betlehem og andre reisemål i Palestina. Desse påmeldingsturane er ikkje inkludert i ovannemnde pris.

Forsikringar:
Vanleg reiseforsikring gjeld i Jeriko, forsikring må dei reisande ordne sjølv.

Vi må ta atterhald om at prisen kan bli noko endra på grunn av variasjon i flyavgifter/ved større endringar i dollarkursen


Påmelding
:
Frist for bindande på melding er 20. juni.
Det må innbetalast kr. 3 000,- i forskot til kto.nr.3730.03.44039 ved påmelding.
Resten av beløpet må vere innbetalt ca. 1.september.

Det var informasjonsmøte om turen torsdag  14. juni kl.19.00 på Rådhuset.

Interesserte kan få informasjon ved å vende seg til Bente Opsvik, tlf.90646008 eller Lasse Sælthun tlf.91181665.
Spørsmål kan også stillast til oss via: vennskap@jericholaerdal.org

→ Ingen kommentararMerkelappar:

Sogn avis sin artikkel om Jerikoturen i november

04/05/2012 · arrangement og informasjon

Jerikoturen slik Sogn avis beskriv den!

→ Ingen kommentararMerkelappar:

Ny Jerikotur i november 2012

25/04/2012 · arrangement og informasjon

Årets tur vert 1.-7.november.

Førebels er ikkje alle prisane eksakte, men det vert omtrent som i 2010:  9-10.ooo per person.
Reisa tur-retur Lærdal – Gardermoen er inkludert, det vert gjerne også 2 fellesmiddagar.
Sightseeing første dag i Jeriko er inkludert, mange av desse er stadar vi gjerne har vorte kjende med via “Bibelsoga” eller “Kristendomsfaget” i skulen – eller i geografi og historie.
Det er naturleg å vitje utgravingane ved Tel Jericho, der arkeologane har grave ut 10.000 år gamle murar. Like ved er restane av Hisham sitt palass – øydelagd av jordskjelv i år 747 – med fantastiske flislagde badeanlegg og oppvarma vatn i røyr.
Like i nærleiken tek ein gondolbana opp på Freistingsfjellet, der Bibelen fortel, Jesus oppheldt seg i 40 dagar.
Elisjas kjelde – som ein finn i jødisk, muslimsk og kristen tradisjon – ligg på andre side av vegen og er hovedvasskjelda for byen.
Morbærtre vert svært gamle, det Sakkeus klatra opp i iflg bibelsoga, ligg på eigedomen til den russisk-ortodokse kyrkja i Jeriko.

Det er også planlagd med arrangerte turar til byar som Nablus , Hebron eller Betlehem

Det fine badeanlegget på Hotel Intercontinental Jericho vil vere ope i november.
Dødehavet som ligg 410 meter under havoverflata, er vel 1 mil frå hotellet.
Jeriko har vore nytta i mange tusen år som feriestad om vinteren.
Jerusalem som ligg på eit høgdedrag som 650 til 840 meter m.o.h
Vegen frå Jerusalem til Jeriko er omlag 3 mil, sidan Jeriko ligg 260 meter under havoverflata vert det mest nedoverbakkar.

Avreise 1.november frå Oslo 13.45 med ankomst Tel Aviv 0050 med eit stogg på flyplassen i Wien
Avreise 7. november frå Tel Aviv 16.00, med ankomst Gardermoen 22.40

Ta kontakt med Bente O. eller Lasse S. for meir informasjon,

eller bruk epostadressa til laget vennskap@jericholaerdal.org

Det er ikkje noko stort jubileum i 2012, – men i 2010 laga Arve Uglum fleire fine innslag både på radio og tv.
Her er to av dei programinnslaga Arve Uglum laga for Vestlandsrevyen i oktober 2010:

Musikarane frå Indre Sogn – frå øving heime i Lærdal til scena framfor Rådhuset i Jeriko.

Lærdal Park i bydelen Kadewi – historia – bruken og festen.

Steinar Kvigne sin artikkel på Porten – Møtte gamle vener i Jeriko

→ Ingen kommentararMerkelappar:

Jerikobui på Sogn kunstsenter

25/11/2011 · arrangement og informasjon

Laurdag 26.november 11-17
Søndag   27.november 15-18
Laurdag   3. desember 11-16

Nye keramikkskåler og fat i ulike storleikar.
Nye glasvarer.
Bøker, kremar, skjerf og smykke er gode gåvetips!
Olivenolje og olivensåper er også godt å ha i heimen!

→ Ingen kommentararMerkelappar: